The Wachana | වchaන

නොදන්න Words අතර අපි දන්න වcha​න
View all

නවතම ලිපි

All
අදහස්
කෙටිකතා
සංවා​ද
විචාර
සංගීත​ය
සිනෙමා
දෘශ්‍ය කලා
සාහිත්‍ය
කවිය යනු හදට සමීප කලාවයි. බරපතළ සමාජ දේශපාලනික කතාබහ, ජීවිතයේ සමාජයේ සංකීර්ණ 'මහාප්‍රාණ' අදහස්වලට වඩා කවියක රස, කවියක වින්දනය හැම විටම රැදෙන්නේ කවිය, සරළ සියුම් හැඟුම් ප්‍රකාශනයක් වූ විටය යන්න මගේ හැඟීමයි. ජීවිතයේ දහසකුත් තැවුල් දොම්නස් නිවාලන්නට කොයි කාටත් කවිය දිව්‍ය ඖෂධයක් කොට ගත හැකි වන්නේද එබැවිනි. අයන්ත යුනේෂ්ගේ යුනේෂියාව කාව්‍ය සංග්‍රහය මෙකී සියුම් දිව්‍යමය ගුණය කැටිකරගත්, ජීවිතයේ ක්ෂුද්‍ර හැඟුම්,තැවුල්, බිඳීම් අතරින් නිවීම සොයා යන කවි එකතුවකි. මේ කවි එකතුව නම් කෙරෙන්නේ යුනේෂ් නමින්ම බිඳගත් යුනේෂියාව නම් අපූර්ව කාව්‍යමය ලෝකයක නමිනි. එය කවියාගේ පරිකල්පිත ප්‍රබන්ධ ලෝකය බවත්, මේ කවි වල මිහිර මෙලොව නැති එවැනි වෙනත් ලෝකයකින් අප වෙත එන අපව එවැනි ලෝකයකට කැඳවාගෙන යන එකක් බවත් රසික ප්‍රතිචාරයක සඳහන් වූ නිසා කෘතියට මේ නම යෙදූ බව අයන්ත සිය පෙරවදනෙහි සඳහන් කරයි. අසහාය සිනමාකරුවෙකු වූ අන්ද්‍රේ තර්කෝව්ස්කි පවසන්නේ නිර්මාණකරුවෙකු යනු තමන්ගේම ලෝකයක් නිර්මාණය කරන්නෙකු බවයි. මොනයම්ම කලාමාධ්‍යක වුවත් සිය නිර්මාණ ඔස්සේ තමාටම අනන්‍ය වූ, තමාගේම වූ පරිකල්පිත කල්පනා ලෝකයකට රසිකයා කැඳවාගෙන යාමට කලාකරුවාට හැකිනම්, තර්කෝව්ස්කි පැවසූ පරිදි ඔහු සැබෑම නිර්මාණකරුවෙකු වන බව මමද විශ්වාස කරමි. ඉතින් එනයින් අයන්ත නිර්මාණකරුවෙකු ලෙස සහෘද රසිකයන් වෙතින් ලැබිය හැකි ඉහළම ප්‍රසාදයක් අත්පත් කරගෙන තිබේ. එය සැබවින්ම කොතරම් සාධාරණද යන්න අයන්තගේ යුනේෂියාවට පිවිස බැලුවොත් ඔබටම පසක් කරගත හැක. අයන්තගේ මේ යුනේෂියාව නම් භාවමය ලෝකය තුළ අපට හැමවිටම පාහේ හමුවන්නේ අපගේ සමකාලීන ජීවන කාල සීමාවේ, අපගේ සමාජ දේශපාලනික ආර්ථික සන්දර්භයේම වසන තරුණ හිතක සෙවණැල්ලකි. ඒ හැඟුම් පහසුවෙන් අපේ කරගන්නට හැකිවනේද කථකයා හා අප අතර ඒ සමීප බව නිසායි. ඉන්ස්ටග්‍රෑම් ස්ටෝරිය ඔබ හොඳින් යැයි පවසන මා කළු කුහරයක ගිලෙන (පිටුව 23) ප්‍රේමය, විප්‍රයෝගය, කාංසාව ආදී වූ නොයෙක්විද මනෝභාවයන් කෙටි වචන කිහිපයකට කැටිකොට මුදාහරින්නට අයන්තට ඇත්තේ අපූර්ව සමත්කමකි. මෙයද එවැන්නකි. කෘතියේ බොහොමයක් ඇත්තේ මෙවැනි කෙටි කවිය. ඒවා බොහොමයකට මාතෘකා පාඨ යොදා නැත. ඒවා ඉමිහිරි ක්ෂුද්‍ර හැඟුම් පමණි. ඒවා විටෙක අප වසන යුගය නියෝජනය කරන අතරම විටෙක කථකයාගෙ අභ්‍යන්තරික ගැටුම හෝ සාමය ප්‍රකාශ කර සිටියි. කිසි දෙයක් මෙතරම් හොඳින් ජීවිතය තුළ සිදුව නැත ඔබේ පැමිණීම මිස (පිටුව 13) නොකඩවා සල්ලාපයක මා සමඟ ගොළු මූද (පිටුව 20) මේ කවිය ඉගි කරනවා වාගේම අයන්තගේ සමස්ත කවි වියමනම තමා තුළටම නැමුණු හුදෙකලා සංවාදයකි. එය කවියාගේ භාවමය ලෝකය තුළට එබී අපගේ ජීවිතයද සුවපත් කරගැනීමට ඉඩ සලසන හැඟුම් භාවනාවකි. ස්ත්‍රී පුරුෂ ප්‍රේමය, ප්‍රේමයේ විප්‍රයෝගය මෙන්ම මව්පිය දූදරු සබඳතාවය වැනි සියුම් මානව සබඳතාද අයන්තගේ කවියට නිරන්තරයෙන් විෂය වෙයි. බීඩි සුවදක ඇඳී ඇත තාත්තාගේ මදහස (පිටුව 21) ඇතැම් කවි වල වචනයෙන් විග්‍රහ කළ නොහැකි තරමේ උපමා රූපක හමුවෙයි. අයන්තගේ කවි වල රූපක, උපමා තරමක් විරලයි කිව හැකි වුවත් සරළ ප්‍රකාශන තුළ ඇති සියුම් හැඟීම් කාව්‍යමය රූපක ලෙස ක්‍රියාකරමින් ඉසියුම් කවි මිහිරක් දනවන්නට සමත් වෙයි. ආරිවංශ රණවීර, නන්දන වීරසිංහ වැනි කවියන් ගෙන ආ ඒ සියුම් කවි බස, කවියටම ආවේණික වූ භාවනානුයෝගී සංයමය අත්පත් කරගන්නටද අයන්තගේ කවිය සමත් වෙයි. ඔහුගේ සිය ජීවිතය වෙතටම නැමුණු කාව්‍ය තේමා, හැඟීම්, වඩාත් සාර්ථකව ග්‍රහණය කරගන්නට එකී නිවුණු සරළ වදන් පෙළද හේතුකාරක වී ඇති බව මගේ විශ්වාසයයි. හැන්දෑව වලාකුළු පරුවත හැන්දෑවටත් කලින් අප කුඩා මිදුලට රැය ගෙනෙන ඔබ මා ගෙනා අලුත් කවි පොතේ "වැසිබර සැදෑව" කියවන මම හැන්දෑව නොකියව හැන්දෑවක ඔබ හැන්දෑව නොදැකම හැන්දෑවක (පිටුව 58) ඔබ කවිය තුළින් නිවීමක්, සුවපත් වීමක් අපේක්ෂා කරන්නේනම් අයන්ත යුනේෂ්ගේ 'යුනේෂියාව' මා ඔබට නිර්දේශ කරන කෘති අතර ඉහළම තැනක රදවන බව කිවයුතුය. - පවන් අංජන

තැවුල් සයුර මැද සැනසුම් දූපත ‘යුනේෂියාව’

Paba Admin
කවිය යනු හදට සමීප කලාවයි. බරපතළ සමාජ දේශපාලනික කතාබහ, ජීවිතයේ සමාජයේ සංකීර්ණ ‘මහාප්‍රාණ’ අදහස්වලට වඩා කවියක රස, කවියක වින්දනය හැම විටම රැදෙන්නේ කවිය, සරළ සියුම් හැඟුම් ප්‍රකාශනයක් වූ විටය යන්න මගේ හැඟීමයි. ජීවිතයේ දහසකුත් තැවුල් දොම්නස් නිවාලන්නට කොයි කාටත් කවිය දිව්‍ය ඖෂධයක් කොට ගත හැකි වන්නේද එබැවිනි. අයන්ත යුනේෂ්ගේ යුනේෂියාව කාව්‍ය සංග්‍රහය මෙකී සියුම් දිව්‍යමය...
"හීන පේන හැම රෑකම" මේ වන තෙක් බොහෝ අය, ප්‍රේමයට නොයෙක් ආකාරයේ නිර්වචන දී ඇත. ඒ අතරින් ප්‍රේමය කියන්නේම පාරමිතාවක් ය යන්න හදවතට ඉතා සමීප කාරණාවකි. එය එක් හදවතක් තවත් හදවතකට සතුට සහ සැනසීම ළඟා කරවන, ජීවන සසර පුරා පෙරුම් පුරනා පිවිතුරුම සිතුවිල්ලකි. අයිතියක් කියන්නට නොහැකිමුත් කොහේ හෝ තුටින් නම් එපමණය යන තැන ද ඇත්තේ ප්‍රේමය ය. නමුත් එය වැළඳ ගන්නා ආකාරය අනුව එය එකිනෙකාගෙන් වෙනස් වේ. ප්‍රේමයට විවිධ අර්ථකථන ලැබී ඇත්තේ එහෙයිනි. ඉදිරියටත් තවත් බොහෝ අය තව බොහෝ නිර්වචන ප්‍රේමය වෙනුවෙන් වෙන් කරාවි. ප්‍රේමයේ ඉසියුම් තැන් හදවතට කාවද්දන "හීන පේන හැම රෑකම" ගීතය, ප්‍රේමය සහ අයිතිය අතර දෝලනය වන හැඟීම් සමුදායක් ගෙන හැර පාන අතර කිසිදු දිනෙක ප්‍රේමයක් පිළිබඳව අහිතක් නොසිතෙනා අයුරින් මැදිහත් ව ඒ දෙස බැලීමට පොළඹවන්නකි. මෙම ගීතය නිමැවෙන්නේ ගායක හර්ෂණ දිසානායකගේ හඬ, නන්දසිරි කීඹියාහෙට්ටිගේ අපූර්ව පද රචනය සහ දර්ශන වික්‍රමතුංගගේ සංගීත නිර්මාණය එකට මුසු වීමෙනි. "හීන පේන හැම රෑකම වෙන කොටත් නොකී ලේන කුලේ සිට නුඹ මට යශෝධරාවකී නීල නුවන් යුග නොපියා තනි යහනේ සිටී ආලවන්තකම ලඳුනේ පාරමිතාවකී..." මේ ගෙවෙන හැම රාත්‍රියකම හීනයක් දුටුවා නම් ඒ නුඹය. රහසේම විඳි නමුත් කාටත් නොකියූ ඒ ලස්සනම හීනය නුඹ ය. "ලේන කුලේ සිට නුඹ මට යශෝධරාවකි" යනුවෙන් ඉතාමත් සෙනෙහෙවන්ත ලෙස පද අමුණා ඇත්තේ කල්ප කාලයක පටන් ලේන කුලයේ සිට පෙරුම් පුරනා, පිවිතුරු ප්‍රේමයේ ප්‍රතිමූර්තියක් වන යශෝධරා දේවිය ඇයට උපමා කරමිනි. නුඹ නොමැති මේ තනි යහන මත මගේ දෙනුවන් නොපියා රැයවල් ගෙවෙයි. ඉතින්, සුහදිනිය, ප්‍රේමය කියන්නේම පාරමිතාවකි. "පේරැස් මුදුවක් පලඳන නැකතක් නොයෙදුනේ... මේ වස්දඬු රාවය මැද නුඹ සිහිනෙන් පෙනේ.. පාලොස්වක සඳ ඉල්ලා මාසෙ පොය දිනේ... මේ ඇස් දෙක ලඟ නාඩන් එතකොට දුක දැනේ..." මඳකට හද සසල කරවන හැඟීම් ගොන්නක් වචන තුළ සඟවමින්, නුඹ වෙනුවෙන් මුදුවක අයිතියක් තබන්නට මංගල නැකතක් නොයෙදුනත්, මේ නිසංසල රැය පුරාවට සවන් වැකෙනා මිහිරිතම බටනලා රාවය මැදින් මට මැවෙන්නේ නුඹ ය. "පසලොස්වක සඳ ඉල්ලා මාසෙ පෝය දිනේ" යන්නෙන් ඔහුට ඇය වෙනුවෙන් දැරිය නොහැකි සහ කළ නොහැකි දේවල් පිළිබඳව කියැවෙන අතර ඒ දෑස් හඬන විට දැනෙන අපරිමිත දුක් දොම්නස් පිළිබඳව ඉතාමත් අපූර්ව ලෙස වචන කර ඇත. "පේලි සැදී දලදා වැඳ ම⁣ට හිනැහුන රැයේ.... මාලිගාව මගේ වගේ දැනුනා සොඳුරියේ... වාවගන්න බැරි තනිකම හිරකරගෙන ලයේ... ජීවිතේම හොරු අරගෙන කොහෙදෝ නුඹ ගියේ..." නුඹ එදා මුව පුරා මා හා සිනා වුණු දිනේ, මුළු ලෝකය ම මගේ විය. "පේලි සැදී දලදා වැඳ ම⁣ට හිනැහුන රැයේ...මාලිගාව මගේ වගේ දැනුනා සොඳුරියේ..." යන්නෙන් දළදා මාලිගාව උපමාවට ගනිමින් ඉතාමත් පිවිතුරු හැඟීමක් උද්දීපනය කරයි. ප්‍රේමයක් ඉපදීම කොතරම් නම් සොඳුරු සහ පිවිතුරු හැඟීමක් ද? ඒ කොහොම වෙතත්, අවසන ඔහු ඇයගෙන් විමසන්නේ එකම එක දෙයක් පමණයි. දරන්නට බැරි තරම්, මේ දැනෙන පාළුව, තනිකම හදවතේ හිරකරන්, මගේ ජීවිතයම වූ නුඹ, ඒ ජීවිතයම රැගෙන කොහේ දෝ ගියේ? යන්නයි. ඉතින්, මෙලෙසින් ඔහුගේ හද තුළ කැකෑරෙන විරහ වේදනාවන් සියල්ල ඉතාමත් උපේක්ෂා සහගත අයුරින්, හදවත රිදී නොරිදෙනා සේ ගීතය පුරාවට දිය කර හැර ඇත. මොහොතකට ගීතය තුළ එල්බ වෙනස්ම වූ රසයක සවන් දෙන්නන්ව අතරමං කරවීමට සමත්, නිවීමෙන් සැනසීම රැගෙන එන හර්ෂණ දිසානායකයන්ගේ හඬට, ඒ ගැඹුරු සංගීත රටාවන් සහ පද රචනය එක් වීම අපූර්ව සංකලනයක් බව කිව යුතුමය. ප්‍රේමයේ පාරමිතාවට සෙනෙහසින් ගැයෙන "හීන පේන හැම රෑකම" ප්‍රේමයේ ඉසියුම් බව පසක් කරවන අරුත්බර නිර්මාණයකි. -නවෝද්‍යා ධනංජනී-

“හීන පේන හැම රෑකම”

Paba Admin
මේ වන තෙක් බොහෝ අය, ප්‍රේමයට නොයෙක් ආකාරයේ නිර්වචන දී ඇත. ඒ අතරින් ප්‍රේමය කියන්නේම පාරමිතාවක් ය යන්න හදවතට ඉතා සමීප කාරණාවකි. එය එක් හදවතක් තවත් හදවතකට සතුට සහ සැනසීම ළඟා කරවන, ජීවන සසර පුරා පෙරුම් පුරනා පිවිතුරුම සිතුවිල්ලකි. අයිතියක් කියන්නට නොහැකිමුත් කොහේ හෝ තුටින් නම් එපමණය යන තැන ද ඇත්තේ ප්‍රේමය ය. නමුත් එය...
'ද නිවියෝර්ක් ටයිම්ස් 21වැනි සියවසේ හොඳම චිත්‍රපට 100 තෝරයි' ඇමරිකාවෙි සුප්‍රකට පුවත්පතක් වන 'ද නිව්යෝර්ක් ටයිම්ස්' පුවත්පත විසින් 21වැනි සියවසේ එතෙක් මෙතෙක් බිහි වූ හොඳම චිත්‍රපට 100ය නමි කර ඇත. 2000 වසරේ ජනවාරි 1 වන දින සිට මේ දක්වා නිකුත් වූ හොඳම චිත්‍රපට අතුරින් හොඳම චිත්‍රපට සියය තේරීම සඳහා ලොව පුරා සිටින අධ්‍යක්ෂවරුන්, නළු නිළියන්, විචාරකයන් 500කට අධික සංඛ්‍යාවක් විසින් ඡන්දයකින් තේරීම සිදු කර ඇත. පසුගිය වසර 25ක කාලයක් පුරා තිරගත වූ සිනමාපට රාශියක් අතුරින්, මෙම සිනමාපට 100 දෙස නිරික්ෂණය කර බැලීමේ දී මේ සඳහා එකදු ඉන්දියානු සිනමාපටයක් හෝ තෝරාගෙන නොතිබීම මෙම ලැයිස්තුවේ තිබෙන ප්‍රධාන දුර්වලතාවයකි. එමෙන්ම එකදු තුර්කි සිනමාපටයක් හෝ රුසියානු චිත්‍රපටයක් මෙම ලැයිස්තුවට ඇතුළත් වි නැහැ. සිනමාපට 100 අතරට ඇමරිකාව නොහොත් හොලිවුඩ්, කොරියාව, ඉරානය, ජපානය, මහා බ්‍රිතාන්‍ය, ප්‍රංශය, මෙක්සිකෝව යන රටවල් නියෝජනය කරන චිත්‍රපට ලැයිස්තුව සඳහා ප්‍රමුඛ වශයෙන් ඇතුළත් වී ඇත. විශේෂයෙන් හොලිවුඩයේ සිනමාකරුවන් වන 1. ස්ටීවන් ස්පීල්බර්ග්(Minority Report) 2.ක්‍රිස්ටෝපර් නෝලන්(The Dark Knight, Inception, Interstellar, Memento, Oppenheimer) 3.මාටින් ස්කොසෙස්(The Wolf Of wall street, The Departed) 4.ඩෙිවිඩ් ලින්ච්(Mullholland Drive) 5.කොඑන් සොයුරන්(A serious Man, No Country For Old Men) 6.වෙස් ඇන්ඩර්සන්(The Grand Budapest Hotel) 7..පෝල් තෝමස් ඇන්ඩර්සන් (There Will be Blood, The Master, phantom thred) 8.ජොර්ජ් මිලර්(Mad Max : Fury Road) 9.ඩෙනිස් වැලනිවු (Arrival) 10.ක්ව්න්ට්න් ටැරැන්ටිනෝ(Inglourious Basterds, Kill Bill: Vol. 1, Once Upon Time In Hollywood) 11. අල්ෆොන්සෝ කූරාන්(Y tu mama tambian, Gravity, Roma, Children Of Men) 12.ඩෙිවිඩ් ෆින්චර්(Zodiac, Gone Girl) 13.බොන්ග් ජොන්ග් හෝ(Memories of Murder, Parasite)වැනි සිනමාකරුවන්ගේ සිනමා නිර්මාණ බොහෝමයක් ඇතුළත් වී තිබීම කැපී පෙනේ. මෙම ලැයිස්තුව සඳහා සුප්‍රකට විශිෂ්ට යැයි ප්‍රේක්ෂකයන් සහ විචාරකයන් නම් කර ඇති 'Dune', 'Joker', 'Bebel', 'Incendies' සිනමාපට තෝරාගෙන නොමැත. එමෙන්ම සුප්‍රකට සිනමාකරුවන් දෙදෙනකු වන ජපන් සිනමාකරු 'හිරේකේසු කොරීඩා' සහ මෙක්සිකෝ ජාතික සිනමාකරුවකු වන 'ඇලහැන්ද්‍රෝ ඉනාරිතු' විසින් 2000 වසරෙන් පසු අධ්‍යක්ෂණය කළ එකදු සිනමාපටයක් ⁣හෝ මෙම විශිෂ්ඨ චිත්‍රපට 100යේ ලැයිස්තුවට ඇතුළත් කර නොමැත. 1.Parasite(2019) 2.Mulholland Drive(2001) 3.There Will Be Blood(2007) 4.In the Mood for Love(2001) 5.Moonlight(2016) 6.No Country for Old Men(2007) 7.Eternal Sunshine of the Spotless Mind(2004) 8.Get Out(2017) 9.Spirited Away(2002) 10.The Social Network(2010) 11.Mad Max: Fury Road(2015) 12.The Zone of Interest(2023) 13.Children of Men(2006) 14.Inglourious Basterds(2009) 15.City of God(2003) 16.Crouching Tiger, Hidden Dragon(2000) 17.Brokeback Mountain(2005) 18.Y tu mamá también(2002) 19.Zodiac(2007) 20.The Wolf of Wall Street(2013) 21.The Royal Tenenbaums(2001) 22.The Grand Budapest Hotel(2014) 23.Boyhood(2014) 24.Her(2013) 25.Phantom Thread(2017) 26.Anatomy of a Fall(2023) 27.Adaptation(2002) 28.The Dark Knight(2008) 29.Arrival(2016) 30.Lost in Translation(2003) 31.The Departed(2006) 32.Bridesmaids(2011) 33.A Separation(2011) 34.Wall-E(2008) 35.A Prophet(2010) 36.A Serious Man(2009) 37.Call Me by Your Name(2017) 38.Portrait of a Lady on Fire(2019) 39.Lady Bird(2007) 40.Yi Yi(2000) 41.Amélie(2001) 42.The Master(2012) 43.Oldboy(2005) 44.Once Upon a Time in Hollywood(2019) 45.Moneyball(2011) 46.Roma(2018) 47.Almost Famous(2000) 48.The Lives of Others(2007) 49.Before Sunset(2004) 50.Up(2009) 51.12 Years a Slave(2013) 52.The Favourite(2018) 53.Borat: Cultural Learnings of America for Make Benefit Glorious Nation of Kazakhstan(2006) 54.Pan’s Labyrinth(2006) 55.Inception(2010) 56.Punch-Drunk Love(2002) 57.Best in Show(2000) 58.Uncut Gems(2019) 59.Toni Erdmann(2016) 60.Whiplash(2014) 61.Kill Bill: Vol. 1(2003) 62.Memento(2001) 63.Little Miss Sunshine(2006) 64.Gone Girl(2014) 65.Oppenheimer(2023) 66.Spotlight(2015) 67.Tar(2022) 68.The Hurt Locker(2009) 69.Under the Skin(2014) 70.Let the Right One In(2008) 71.Ocean’s Eleven(2001) 72.Carol(2015) 73.Ratatouille(2007) 74.The Florida Project(2017) 75.Amour(2012) 76.O Brother, Where Art Thou?(2000) 77.Everything Everywhere All at Once(2022) 78.Aftersun(2022) 79.The Tree of Life(2011) 80.Volver(2006) 81.Black Swan(2013) 82.The Act of Killing(2013) 83.Inside Llewyn Davis(2013) 84.Melancholia(2011) 85.Anchorman: The Legend of Ron Burgundy(2004) 86.Past Lives(2023) 87.The Lord of the Rings: The Fellowship of the Ring(2001) 88.The Gleaners & I(2001) 89.Interstellar(2014) 90.Frances Ha(2013) 91.Fish Tank(2010) 92.Gladiator(2000) 93.Michael Clayton(2007) 94.Minority Report(2002) 95.The Worst Person in the World(2021) 96.Black Panther(2018) 97.Gravity(2013) 98.Grizzly Man(2005) 99.Memories of Murder(2005) 100.Superbad(2007) -මලින්ත විතානගේ- imalkamalintha@gmail.com

‘ද නිවියෝර්ක් ටයිම්ස් 21වැනි සියවසේ හොඳම චිත්‍රපට 100 තෝරයි’

Paba Admin
ඇමරිකාවෙි සුප්‍රකට පුවත්පතක් වන ‘ද නිව්යෝර්ක් ටයිම්ස්’ පුවත්පත විසින් 21වැනි සියවසේ එතෙක් මෙතෙක් බිහි වූ හොඳම චිත්‍රපට 100ය නමි කර ඇත. 2000 වසරේ ජනවාරි 1 වන දින සිට මේ දක්වා නිකුත් වූ හොඳම චිත්‍රපට අතුරින් හොඳම චිත්‍රපට සියය තේරීම සඳහා ලොව පුරා සිටින අධ්‍යක්ෂවරුන්, නළු නිළියන්, විචාරකයන් 500කට අධික සංඛ්‍යාවක් විසින් ඡන්දයකින් තේරීම සිදු කර...

“නුඹ කවිකාරී”

Paba Admin
ජීවිතයම කවියක් කර ගත් ඇයට මුළු හදවතින්ම සවිය දෙන ඔහු, සෙනෙහසින් ගයන ආදරණීයම ගීතය. හදවතක හැඟීම් ගොන්නකට පණ දෙන්නට ගීයකට, එහි පද රචනයට සහ තනුවට කෙතරම් නම් හැකියාවක් තිබේ ද යන්න මැනවින් පසක් කරවන අපූර්ව ගීත නිර්මාණයක් ලෙස “නුඹ කවිකාරී” ගීතය හඳුන්වන්නට හැකිය. මෙම ගීතය නිර්මාණය වන්නේ ගායක සමන්ත පෙරේරාගේ හඬ මුසු වී, පබාශිනී හේරත්ගේ...

සාහිත්‍ය කලා පුවත්

ඔබේ ලිපි, කාව්‍ය නිර්මාණ අපට එවන්න

කවි සාහිත්‍ය

Back To Top